جمعیت علماء اسلام نے 27ویں آئینی ترمیم کے حق میں ووٹ دینے پربڑی کارروائی کرتے ہوئے اپنے سینیٹر احمد خان کو پارٹی سے نکال دیا ہے۔
جے یو آئی کے جاری کردہ اعلامیے کے مطابق، سینیٹر احمد خان نے پارٹی پالیسی کے برخلاف 27ویں آئینی ترمیم کی حمایت میں ووٹ دیا، جس کے بعد انہیں جماعت سے فارغ کرنے کا فیصلہ کیا گیا۔
اعلامیے میں کہا گیا ہے کہ سینیٹر احمد خان فوری طور پر سینیٹ کی نشست سے استعفیٰ دیں، بصورتِ دیگر پارٹی الیکشن کمیشن سے ان کی نااہلی کے لیے رجوع کرے گی۔
جے یو آئی کے مطابق، یہ فیصلہ سینیٹر مولانا عطاالرحمان اور مولانا عبدالواسع کی سفارش پر کیا گیا۔
