فورسز کا خوارج پر بڑاوار، ٹی ٹی پی کا اہم سرغنہ گرفتار، بلوچستان میں دہشت گرد اڈے بنانے کا منصونہ ناکام

سکیورٹی فورسز نے کالعدم ٹی ٹی پی کی دفاعی شوریٰ کے سربراہ دہشت گرد نصر اللّٰہ عرف مولوی منصور کو گرفتار کر لیا،وزیرِ داخلہ بلوچستان میر ضیاء لانگو نے کوئٹہ میں نیوز کانفرنس کرتے ہوئے گرفتار دہشت گرد کمانڈر نصر اللّٰہ کا ویڈیو بیان بھی نشر ججی، کیا،جس میں گرفتار دہشت گرد کمانڈر نصر اللّٰہ نے انکشاف کیا کہ میں آپریشن ضربِ عضب کے دوران افغانستان فرار ہو گیا تھا، میں نے پاک افغان بارڈر پر پاک فوج کی پوسٹوں پر تخریبی کارروائیاں کیں۔ گرفتار دہشت گرد کمانڈر نے اعتراف کیا کہ جنوبی وزیرستان، شمالی وزیرستان اور ڈیرہ اسماعیل خان میں تخریبی کارروائیاں کیں، بی ایل اے ٹی ٹی پی اتحاد کا ہدف اغواء برائےتاوان سے گمشدہ لوگوں کابیانیہ بنانا بھی ہے۔جبکہ مولوی نور ولی محسود سمیت ٹی ٹی پی کی تمام قیادت بھی افغانستان میں موجود ہے، بی ایل اے مجید برگیڈ کا کمانڈر بشیر زیب بھی افغانستان میں ہے۔ بیان میں گرفتار دہشت گرد کمانڈر نصر اللّٰہ نے اعتراف کیا کہ ٹی ٹی پی کا تمام پیسہ بھارتی دہشت گرد ایجنسی ’را‘ سے آتا ہے، نور ولی محسود بی ایل اے کمانڈر بشیر زیب سے کابل کے بھارتی سفارس خانے میں ملتا رہا ہے۔جبکہ خوارجیوں کے کمانڈر نور ولی کے پیچھے عبوری افغان حکومت ہے، بشیر زیب اور نور ولی افغانستان میں آزاد گھومتے ہیں۔ ویڈیو بیان میں گرفتار دہشت گرد کمانڈر نصر اللّٰہ کا کہنا تھا کہ نور ولی دوسروں کے بچوں کو خودکش حملے سے جنت پہنچانے کا فتویٰ دیتا ہے، نور ولی اپنے 9 بچوں میں سے کسی کو بھی جنت بھیجنے کے لیے استعمال کیوں نہیں کرتا؟گرفتار دہشت گرد کمانڈر نصر اللّٰہ کا کہنا ہے کہ اپنی گزشتہ زندگی اورٹی ٹی پی خوارج سے وابستگی پر نادم ہوں، اللّٰہ اور ان تمام لوگوں سے معافی چاہتا ہوں جنہیں میرےنام نہاد جہاد سے نقصان پہنچا۔ ویڈیو بیان میں گرفتار دہشت گرد کمانڈر نصر اللّٰہ نے انکشاف کیا ہے کہ بہت سے ’گمشدہ‘ لوگ افغانستان میں موجود ہیں، پاکستان مخالف دہشت گرد افغانستان میں آزاد گھومتے ہیں۔ اس موقع پر نیوز کانفرنس میں وزیرِ داخلہ بلوچستان ضیاء لانگو نے بتایا کہ کالعدم تنظیم کے 2 اہم کمانڈروں کو گرفتار کیا ہے، دہشت گردی کا ایک اہم نیٹ ورک پکڑا ہے۔ کالعدم تنظیم کے دہشت گرد نصراللّٰہ کو ایک مشکل آپریشن کے بعد گرفتار کیا، دہشت گردوں کے خلاف کامیاب آپریشن پر قانون نافذ کرنے والوں کو مبارک باد پیش کرتے ہیں