شمالی وزیرستان میں دہشت گردوں سے فائرنگ کا تبادلہ، کیپٹن اسامہ ارشد شہید

آئی ایس پی آر کے مطابق شمالی وزیرستان میں دہشت گردوں کے ساتھ فائرنگ کے تبادلے میں دو دہشت گرد واصل جہنم ہوئے تاہم اس س دوران اپنی فوج کی سامنے سے قیادت کرتے ہوئے کیپٹن محمد اسامہ بن ارشد  شہید ہو گئے۔ مادر وطن کا دفاع کرتے ہوئے جام شہادت نوش کرنے والے 24 سالہ کیپٹن محمد اسامہ بن ارشد شہید کی نماز جنازہ چکلالہ گیریژن راولپنڈی میں اداکردی گئی۔آئی ایس پی آر کے مطابق وزیراعظم شہباز شریف، وزیر دفاع، وزیر اطلاعات، آرمی چیف جنرل عاصم منیر ،حاضر سروس اور ریٹائرڈ فوجی افسران، جوانوں اور شہید کے لواحقین کی بڑی تعداد نے نماز جنازہ میں شرکت کی۔اس موقع پر وزیراعظم نے کہا کہ یہ قربانیاں پرامن اور خوشحال پاکستان کے لئے ہر قسم کی دہشتگردی کو شکست دینے کے ہمارے عزم کی عکاس ہیں، قوم ان غیر ملکی پشت پناہی کے حامل دہشتگردوں اور ان کے سہولت کاروں کے خلاف پرعزم ہے اور پاکستان کے ان دشمنوں کو متحد ہوکر مشترکہ حکمت عملی کے ذریعے مکمل شکست دی جائے گی.آئی ایس پی آر کے مطابق کپٹن محمد اسامہ بن ارشد کا تعلق ضلع راولپنڈی سے ہےشہید ہونے والے کیپٹن محمد اسامہ بن ارشد نے اکتوبر 2020 میں پاکستان آرمی کی این ایل ائی رجمنٹ میں کمیشن حاصل کیاکیپٹن محمد اسامہ بن ارشد شہید کی عمر 24 سال ہے جنہوں نے 4 سال تک دفاع وطن کا مقدس فریضہ انجام دیاکیپٹن محمد اسامہ بن ارشد شہید کے سوگواران میں والد، والدہ، ایک بھائ اور چار بہنیں شامل ہیں