پریکٹس اینڈ پروسیجر ترمیمی آرڈیننس،آج وفاقی کابینہ میں پیش کئے جانے کا امکان

سپریم کورٹ آف پاکستان پریکٹس اینڈ پروسیجر ترمیمی آرڈیننس2024 آج وفاقی کابینہ میں پیش کیے جانے کا امکان ہےاس حوالےوزارت قانون کی جانب سےآرڈیننس تیار کر کے کابینہ کو بھجوا دیا گیا ہے،اس آرڈیننس کے ذریعے چیف جسٹس آف پاکستان کے مقدمات کو مقرر کرنے کا اختیار بڑھانے کا فیصلہ کیا گیا ہے۔کسی کمیٹی رکن کی عدم دستیابی کی صورت میں بھی چیف جسٹس کسی جج کو کمیٹی کا رکن نامزد کر سکیں گے، پریکٹس اینڈ پروسیجر قانون کے تحت تین رکنی کمیٹی بنچز تشکیل دے گی۔ترمیمی آرڈیننس 2024 کے نفاذ سے عدلیہ میں جو بھی کارروائی ہوگی اس کا ٹرانسکرپٹ تیار ہوگا۔ذرائع کے مطابق سپریم کورٹ ترمیمی آرڈیننس کے نفاذ سےعدالتی کارروائی لکھی جائےگی اور عدالتی کارروائی عوام کیلئے دستیاب ہو گیسپریم کورٹ نے 11 اکتوبر 2023 کے فیصلے میں مذکورہ قانون کی دفعہ 5 کی ذیلی دفعہ 2 کو خلاف آئین قرار دیا تھا، آئین کے آرٹیکل 184 کی شق 3 کے تحت جاری حکم کے خلاف اپیل کا حق بھی آرڈیننس میں شامل کیا گیا ہے۔