اسرائیل کا بیروت پرشدید بمباری، حزب الله کے ہیڈکوارٹر کو نشانہ بنانے کا دعویٰ

عالمی میڈیا کے مطابق اسرائیلی حملوں میں جنوبی بیروت کے علاقے ضاحیہ کو نشانہ بنایا گیا۔اسرائیلی فوج نے دعویٰ کیا ہے کہ اس نے بیروت کے جنوبی مضافات میں حزب اللہ کے ہیڈ کوارٹر کو نشانہ بنایا ہے۔اسرائیلی فضائی حملوں کے بعد دہہیہ میں کم از کم 10 دھماکوں کی آوازیں سنی گئیں۔اطلاعات کے مطابق بیروت پر حملوں میں دو ہزار ٹن بارود استعمال کیا گیا ہے جس میں اب تک 14افراد شہید اور 76سے زائد زخمی ہو چکے ہیں تاہم ہلاکتوں میں اضافے کا امکان ہے۔غاصب صیہونی حکومت کے آرمی ریڈیو نے اعلان کیا ہے کہ بیروت کے جنوبی مضافات میں ہونے والے حملے میں ایف 35 لڑاکا طیارے استعمال کیے گئے۔ صہیونی خبررساں ایجنسی ہیوم نے حزب اللہ کے سخت رد عمل کے خوف سے مقبوضہ علاقوں میں شدید خوف و ہراس کی اطلاع دی ہے۔