امریکی فوج نےایک بیان جاری کرکے یمنی دارالحکومت صنعاء کے جنوب میں میزائل کے ذخیرے اور ایک کمانڈ سنٹر پر بمباری کرنے کا دعویٰ کیا ہے۔غیر ملکی خبر رساں ادارے کے مطابق یو ایس آرمی سینٹرل کمانڈ (سینٹکام) نے آج (اتوار) کو اعلان کیا کہ ہم نے صنعاء میں ایک میزائل ذخیرے اور حوثی کمانڈ اینڈ کنٹرول سینٹر پر فضائی حملے کیے ہیں۔ اور بتایا ہے کہ یہ حملے بحیرہ احمر میں جنگی جہازوں کے خلاف حوثیوں کی کارروائیوں کو روکنے اور کم کرنے کی غرض سے کئے گئے ہیں۔امریکی فوج نے یہ بھی دعویٰ کیا ہے کہ اس نے بحیرہ احمر کی فضاء میں یمن کی طرف سے داغے گئے ڈرونز اور میزائلوں کو روک کر تباہ کر دیا ہے۔ المیادین کے مطابق الحدیدہ صوبے (مغربی یمن) کے شہر "الحیہ” پر بھی بمباری کی گئی ہے۔
امریکہ نے یمن پر فضائی حملے کی ذمہ داری قبول کی
Date:
