غیر ملکی خبررساں ایجنسی کے مطابق، مشرق وسطی میں جاری کشیدگی ایک نئے مرحلے میں داخل ہو گئی ہے۔ تازہ ترین اطلاعات کے مطابق یمنی فوج کی جانب سے داغا گیا ایک بیلسٹک میزائل اسرائیل کے سب سے بڑے ہوائی اڈے بن گوریان ایئرپورٹ پر لگ گیا ہے۔
اسرائیلی فوج نے تصدیق کی ہے کہ منگل کے روز یمن سے میزائل داغا گیا تاہم میزائل کو تل ابیب کے نزدیک روک لیا گیا ہے۔صہیونی ذرائع نے کہا ہے کہ میزائل حملے کی وجہ سے پورے وسطی اسرائیل اور مقبوضہ بیت المقدس میں خطرے کے سائرن بجائے گئے۔ حملے سے تقریبا ایک منٹ قبل شہریوں کو موبائل فونز پر ہنگامی انتباہی پیغامات موصول ہوئے۔اس واقعے کو انصار اللہ کی جانب سے فلسطینی مزاحمت کی حمایت میں جاری کارروائیوں کا تسلسل قرار دیا جارہا ہے۔حالیہ مہینوں میں انصار اللہ نے متعدد بار بحیرہ احمر اور مقبوضہ فلسطین میں اسرائیلی تنصیبات کو نشانہ بنایا ہے۔
یمنی فوج کا بیلسٹک میزائل سے تل ابیب کے بن گوریان ایئرپورٹ پر ایک بار پھر حملہ
Date:
