اسلام آباد: چین کے وزیر خارجہ وانگ ژی نے اسلام آباد میں چیف آف آرمی اسٹاف فیلڈ مارشل سید عاصم منیر (نشان امتیاز، ہلالِ جرات) سے ملاقات کی۔
ملاقات میں علاقائی سلامتی، دہشت گردی کے خلاف اقدامات اور باہمی دلچسپی کے امور پر تبادلہ خیال کیا گیا۔ دونوں رہنماؤں نے ہر موسم کی اسٹریٹجک شراکت داری کو مزید مضبوط کرنے اور علاقائی و عالمی فورمز پر تعاون بڑھانے کے عزم کا اعادہ کیا۔
وانگ ژی نے پاکستان کی خودمختاری اور ترقی کے لیے چین کی بھرپور حمایت کا یقین دلایا، جبکہ آرمی چیف نے چین کی مستقل حمایت پر شکریہ ادا کیا۔ ملاقات کے اختتام پر دونوں جانب سے خطے میں امن، استحکام اور خوشحالی کے فروغ کے لیے مشترکہ عزم کا اظہار کیا گیا۔
