چینی وزارتِ خارجہ کے ترجمان کے مطابق، پاکستان اور افغانستان دونوں چین کے قریبی دوست اور اہم ہمسایہ ممالک ہیں۔ ترجمان نے کہا کہ دونوں ممالک کے طویل المدتی اور بنیادی مفادات اسی میں مضمر ہیں کہ وہ باہمی اعتماد کو فروغ دیں، خوشگوار ہمسایہ تعلقات قائم رکھیں، معاشی و سماجی ترقی کے لیے تعاون بڑھائیں، اور دہشت گردی کے خاتمے کے لیے مشترکہ کوششیں جاری رکھیں۔
ترجمان نے مزید کہا کہ چین مخلصانہ طور پر توقع رکھتا ہے کہ پاکستان اور افغانستان بڑے تر قومی و علاقائی مفادات کو پیشِ نظر رکھتے ہوئے صبر و تحمل سے کام لیں، ایک دوسرے کے خدشات کو بات چیت اور مشاورت کے ذریعے حل کریں، اور کسی بھی ایسے اقدام سے گریز کریں جو کشیدگی میں اضافہ کا باعث بنے۔چین نے اس عزم کا اعادہ کیا کہ وہ پاکستان اور افغانستان کے درمیان تعلقات کی بہتری اور خطے میں امن و استحکام کے فروغ کے لیے اپنا تعمیری کردار ادا کرتا رہے گا۔ ترجمان نے دونوں ممالک سے یہ درخواست بھی کی کہ وہ چینی شہریوں، منصوبوں اور اداروں کی سلامتی اور تحفظ کو یقینی بنائیں۔
