پاک فوج نے افغان طالبان کی جانب سے کی گئی جارحیت کے جواب میں مؤثر اور ٹھوس کارروائی کرتے ہوئے افغان طالبان کے اہم ٹھکانے تباہ کر دیے۔
سکیورٹی ذرائع کے مطابق، پاک فوج کی جانب سے کیے گئے پریسیژن اسٹرائیکس (Precision Strikes) افغان صوبہ قندھار میں کیے گئے، جن میں اہم عسکری تنصیبات کو کامیابی سے نشانہ بنایا گیا۔
ذرائع کا کہنا ہے کہ ان نشانہ باز کارروائیوں کے نتیجے میں افغان طالبان کی بٹالین نمبر 4 اور بارڈر بریگیڈ نمبر 6 کو مکمل طور پر تباہ کر دیا گیا۔
ابتدائی اطلاعات کے مطابق، کارروائی میں درجنوں خارجی اور افغان دہشتگرد ہلاک ہو گئے۔سکیورٹی ذرائع کا کہنا ہے کہ پاک فوج کسی بھی بیرونی جارحیت کا شدید، مؤثر اور مکمل جواب دینے کی بھرپور صلاحیت رکھتی ہے۔
ذرائع نے مزید کہا کہ پاکستان کی سرحدی خودمختاری اور علاقائی سلامتی کے تحفظ کے لیے پاک فوج ہمہ وقت تیار اور مکمل چوکس ہے۔
