وفاقی وزیرِ قانون اعظم نذیر تارڑ نے کہا ہے کہ چیف آف ڈیفنس فورسز کے تقرری سے متعلق نوٹیفکیشن جلد جاری کر دیا جائے گا اور اس حوالے سے کسی قسم کی پریشانی کی ضرورت نہیں۔
میڈیا سے گفتگو کرتے ہوئے انہوں نے بتایا کہ متعلقہ افسر ہر طرح سے اپنا عہدہ سنبھالے ہوئے ہیں اور معاملہ معمول کے سرکاری عمل کا حصہ ہے۔
اعظم نذیر تارڑ کا کہنا تھا کہ وزیراعظم ملک سے باہر تھے، اس لیے نوٹیفکیشن میں تاخیر ہوئی، تاہم وزیراعظم کی واپسی کے بعد تمام ضروری کارروائی مکمل ہو جائے گی۔ انہوں نے مزید کہا کہ ممکن ہے متعلقہ فائل ورک پہلے ہی مکمل ہو چکا ہو۔
