ویب ڈیسک: ایران کی جانب سے اسرائیل کے مختلف علاقوں پر تازہ حملوں کی اطلاعات سامنے آئی ہیں۔ رپورٹس کے مطابق تل ابیب، مقبوضہ بیت المقدس اور مغربی کنارہ میں حملوں کے بعد خطرے کے سائرن بج اٹھے اور شہریوں میں خوف و ہراس پھیل گیا۔
دوسری جانب حزب اللہ نے شمالی اسرائیل میں واقع حیفہ نیول بیس کو میزائلوں سے نشانہ بنانے کا دعویٰ کیا ہے۔ تاہم اسرائیلی حکام کی جانب سے اس دعوے کی فوری تصدیق یا تفصیلات جاری نہیں کی گئیں۔
ادھر اسرائیلی فوج کی جانب سے لبنان میں جوابی کارروائیوں کی اطلاعات بھی موصول ہوئی ہیں، جن کے نتیجے میں کئی عمارتیں تباہ ہونے کی خبر ہے۔ خطے میں کشیدگی میں تیزی سے اضافہ ہو رہا ہے اور صورتحال مسلسل سنگین ہوتی جا رہی ہے۔
