امریکی اخبار نیویارک ٹائمز نے دعویٰ کیا ہے کہ آپریشن غضب للحق کے دوران پاکستان نے افغانستان کے اہم ترین بگرام ایئربیس کو کامیابی سے نشانہ بنایا۔
رپورٹ کے مطابق حملے کے نتیجے میں ایئربیس کا ایک ایئرکرافٹ ہینگر اور دو ویئر ہاؤسز تباہ ہوئے، جبکہ اس حوالے سے سیٹلائٹ تصاویر بھی سامنے آئی ہیں جن میں نقصان کے شواہد دکھائے گئے ہیں۔
اخبار نے مزید دعویٰ کیا کہ پاکستان نے ایک ہفتے کے دوران افغانستان میں فوجی اہداف پر 50 سے زائد فضائی حملے کیے۔ تاہم ان دعوؤں پر پاکستان یا افغان حکام کی جانب سے باضابطہ ردعمل سامنے نہیں آیا۔
رپورٹ میں یہ بھی کہا گیا ہے کہ افغانستان میں “فتنہ الخوارج” کی موجودگی کے شواہد اقوام متحدہ کی مختلف رپورٹس میں متعدد بار پیش کیے جا چکے ہیں، جس کے تناظر میں خطے کی سیکیورٹی صورتحال پر سوالات اٹھائے جا رہے ہیں۔
