ویب ڈیسک: ایرانی فوج نے دعویٰ کیا ہے کہ مشرقِ وسطیٰ میں امریکی فوجی اڈوں پر کیے گئے حملوں میں 160 امریکی اہلکار ہلاک ہو گئے ہیں، جبکہ ہلاک اور زخمی فوجیوں کی مجموعی تعداد 650 تک پہنچ چکی ہے۔ تاہم امریکی حکام کی جانب سے ان دعوؤں کی تاحال تصدیق یا تردید سامنے نہیں آئی۔
ایرانی فوج کے مطابق یہ کارروائیاں خطے میں جاری کشیدگی کے تناظر میں کی گئیں۔ دوسری جانب پاسدارانِ انقلاب نے دعویٰ کیا ہے کہ بحرِ ہند میں امریکی بحریہ کے ایک تباہ کن جنگی جہاز کو بھی نشانہ بنایا گیا ہے۔ اس حوالے سے مزید تفصیلات جاری نہیں کی گئیں۔
خطے میں بڑھتی ہوئی کشیدگی کے باعث صورتحال انتہائی نازک ہو چکی ہے اور عالمی برادری کی نظریں مشرقِ وسطیٰ کی بدلتی ہوئی صورتحال پر مرکوز ہیں۔
