وزیراعظم شہباز شریف نے ڈیزل کی قیمت میں بڑی کمی کی منظوری دے دی ہے، جس کے بعد عوام کو فوری ریلیف ملنے کی توقع ہے۔
سرکاری اعلان کے مطابق ڈیزل کی قیمت میں 32 روپے 12 پیسے فی لیٹر کمی کی گئی ہے، جس کے بعد نئی قیمت 385.54 روپے سے کم ہو کر 353.43 روپے فی لیٹر ہو گئی ہے۔
وزیراعظم شہباز شریف نے اس موقع پر کہا کہ تیل کی قیمتوں میں کمی کے اثرات کو جلد از جلد عوام تک منتقل کیا جائے گا تاکہ مہنگائی کے بوجھ میں کمی لائی جا سکے۔
دوسری جانب پٹرولیم ڈویژن نے پٹرول کی قیمت کو موجودہ سطح پر برقرار رکھنے کا فیصلہ کیا ہے، جس کا اطلاق فوری طور پر ہوگا۔
معاشی ماہرین کے مطابق ڈیزل کی قیمت میں کمی سے ٹرانسپورٹ اور اشیائے ضروریہ کی قیمتوں میں بھی کمی آنے کا امکان ہے، جس سے عام آدمی کو کچھ ریلیف مل سکتا ہے۔
