واشنگٹن: امریکی چیئرمین جوائنٹ چیفس آف اسٹاف ڈین کین نے وزیر جنگ کے ساتھ مشترکہ پریس کانفرنس میں کہا ہے کہ امریکی افواج ایران کے خلاف بڑے پیمانے پر کارروائیوں کے لیے مکمل طور پر تیار ہیں۔
انہوں نے دعویٰ کیا کہ ایران کا کمانڈ اینڈ کنٹرول نظام پہلے ہی متاثر ہو چکا ہے، تاہم ان کے مطابق ایرانی اقدامات ابھی اس سطح تک نہیں پہنچے کہ باقاعدہ جنگ دوبارہ شروع کی جائے۔
جنرل ڈین کین کے مطابق صدر ڈونلڈ ٹرمپ کے حکم پر اتوار کے روز “پروجیکٹ فریڈم” کا آغاز کیا گیا، جس کا بنیادی مقصد آبنائے ہرمز سے تجارتی جہازوں کی محفوظ اور مسلسل آمد و رفت کو یقینی بنانا ہے۔
