امریکی صدر ڈونلڈ ٹرمپ کی جانب سے آبنائے ہرمز میں پھنسے تجارتی بحری جہازوں کی نقل و حرکت کے لیے جاری پروجیکٹ فریڈم کو عارضی طور پر روکنے کے اعلان کے بعد عالمی منڈی میں خام تیل کی قیمتوں میں کمی دیکھنے میں آئی ہے۔
رپورٹس کے مطابق عالمی مارکیٹ میں برینٹ خام تیل کی قیمت کم ہو کر 108 ڈالر فی بیرل کی سطح پر آگئی ہے۔
اسی طرح یو اے ای مربن خام تیل 106 ڈالر فی بیرل جبکہ امریکی خام تیل ڈبلیو ٹی آئی 100.6 ڈالر فی بیرل میں فروخت ہو رہا ہے۔
ماہرین کے مطابق امریکا اور ایران کے درمیان ممکنہ معاہدے سے متعلق پیش رفت اور خطے میں کشیدگی میں کمی کی توقعات کے باعث عالمی تیل مارکیٹ میں قیمتوں پر دباؤ کم ہوا ہے۔
