ایران کے وزیر خارجہ عباس عراقچی نے لبنان کی پارلیمنٹ کے اسپیکر نبیہ بری اور حزب اللہ کے سیکریٹری جنرل شیخ نعیم قاسم کو “عیدِ مزاحمت و آزادی” کی سالگرہ کے موقع پر علیحدہ علیحدہ تہنیتی پیغامات ارسال کیے ہیں۔
عراقچی نے اپنے پیغامات میں لبنانی حکومت، عوام اور مزاحمت کو مبارکباد پیش کرتے ہوئے سن 2000 میں اسرائیل کے جنوبی لبنان سے انخلا کو “تاریخی فتح” قرار دیا۔
ایرانی وزیر خارجہ نے اس بات پر زور دیا کہ ایران لبنان کی آزادی، خودمختاری اور علاقائی سالمیت کی حمایت جاری رکھے گا، جبکہ اسرائیلی قبضے اور جارحیت کے خلاف لبنانی عوام کی “جائز مزاحمت” کی بھی بھرپور اور غیر متزلزل حمایت کرتا رہے گا۔
واضح رہے کہ لبنان میں ہر سال 25 مئی کو “عیدِ مزاحمت و آزادی” منائی جاتی ہے، جو سن 2000 میں اسرائیلی افواج کے جنوبی لبنان کے بیشتر علاقوں سے انخلا کی یاد میں منایا جانے والا قومی دن ہے۔
