ایرانی فضائی دفاعی حکام نے دعویٰ کیا ہے کہ تہران کے مغرب میں واقع البرز پہاڑی سلسلے کے اوپر ایک دشمن ایف-15 جنگی طیارے کو میزائل نظام کے ذریعے مار گرایا گیا ہے۔
ایران کی عربی زبان کی ایک سرکاری خبر ایجنسی کے حوالے سے مغربی تہران کے فضائی دفاعی مرکز کے ایک عہدیدار نے بتایا کہ ایرانی فوج کے فضائی دفاعی میزائل سسٹم نے دشمن کے ایف-15 لڑاکا طیارے کو نشانہ بنایا، جس کے نتیجے میں طیارہ تباہ ہو کر گر گیا۔
عہدیدار کے مطابق طیارہ ایرانی فضائی حدود میں داخل ہونے کی کوشش کر رہا تھا جس پر فضائی دفاعی نظام نے فوری کارروائی کرتے ہوئے اسے ہدف بنایا۔
دوسری جانب اس واقعے کی آزاد ذرائع سے مکمل تصدیق سامنے نہیں آئی ہے، تاہم جاری علاقائی کشیدگی کے دوران ایران اور امریکا۔اسرائیل کے درمیان فضائی جھڑپوں اور طیاروں کے مار گرائے جانے کے دعوے سامنے آ رہے ہیں۔
