ویانا: ایٹمی توانائی ایجنسی نے کہا ہے کہ اسرائیل کے علاقے ڈیمونا کے قریب میزائل حملے کے بعد کسی قسم کے تابکاری کے خطرے کے شواہد نہیں ملے۔
ادارے کی جانب سے جاری بیان میں کہا گیا ہے کہ واقعے کے بعد صورتحال پر مسلسل نظر رکھی جا رہی ہے اور اب تک حساس جوہری تنصیب کو کسی نقصان کے آثار سامنے نہیں آئے۔
بیان کے مطابق خطے کے مختلف ممالک سے موصول ہونے والی معلومات میں بھی کسی غیر معمولی تابکاری کی سطح ریکارڈ نہیں کی گئی۔
آئی اے ای اے کے ڈائریکٹر جنرل رفائل گروسی نے جوہری تنصیبات کے اطراف میں انتہائی احتیاط برتنے پر زور دیتے ہوئے خبردار کیا کہ بڑھتی ہوئی کشیدگی کسی بھی وقت جوہری تحفظ کے سنگین بحران کو جنم دے سکتی ہے۔
