ایرانی عازمینِ حج کا پہلا قافلہ مدینہ منورہ پہنچ گیا ہے، جہاں سعودی وزارتِ حج و عمرہ کے مطابق ایرانی ائیرلائن کا طیارہ حج کے انتظامات میں معاونت کے لیے طبی اور دیگر خدمات سے متعلق شعبوں کے 121 رکنی عملے کو لے کر مقدس شہر پہنچا۔
وزارت کے مطابق یہ ابتدائی ٹیم عازمینِ حج کی سہولت، رہائش، نقل و حمل اور دیگر انتظامی امور کی نگرانی کرے گی تاکہ حج کے دوران بہترین خدمات فراہم کی جا سکیں۔ ایرانی عازمین مدینہ منورہ میں تقریباً 7 روز قیام کریں گے اور اس دوران مختلف مذہبی و زیارتی فرائض ادا کریں گے، جبکہ حکام نے بتایا ہے کہ رواں سال مجموعی طور پر 30 ہزار سے زائد ایرانی عازمینِ حج سعودی عرب پہنچیں گے، جن کے لیے مکمل انتظامات اور سہولیات کو یقینی بنایا جا رہا ہے تاکہ وہ اپنے حج کے فریضے کو آسانی اور سکون کے ساتھ ادا کر سکیں۔
