بھارت نے ریاست اڑیسہ میں واقع ڈاکٹر اے پی جے عبدالکلام جزیرے سے جدید اگنی میزائل کا تجربہ کیا ہے جو ملٹیپل انڈیپنڈنٹلی ٹارگٹڈ ری انٹری وہیکل (MIRV) نظام سے لیس ہے اور ایک ہی وقت میں مختلف اہداف کو نشانہ بنانے کی صلاحیت رکھتا ہے۔
بھارتی ڈیفنس ریسرچ اینڈ ڈیولپمنٹ آرگنائزیشن (DRDO) کے مطابق یہ تجربہ جمعے کے روز کیا گیا جس میں میزائل کو متعدد پے لوڈز کے ساتھ آزمایا گیا اور اس نے بحرِ ہند کے مختلف علاقوں میں موجود اہداف کو کامیابی سے نشانہ بنایا۔
یہ تجربہ ایسے وقت میں سامنے آیا ہے جب علاقائی سطح پر سیکیورٹی صورتحال اور دفاعی مقابلہ بازی پر بحث جاری ہے، اور بھارت اپنی میزائل ٹیکنالوجی کو مزید جدید بنانے کے دعوے کر رہا ہے۔
