نیب نے قومی خزانے میں 10 بلین امریکی ڈالر سے زیادہ کی بچت کے علاوہ 2.3 ٹریلین روپے کی ریکوری کی ہے،چیئرمین نیب

کرپشن کا خاتمہ اجتماعی کوشش سے ہی ممکن ہے نیب اس بات کو یقینی بنانے کے لیے پرعزم ہے کہ بدعنوانی میں ملوث ہر عنصر کو نتائج کا سامنا کرنا پڑے ایساکہنا ہے چیئرمین نیب لیفٹننٹ جنرل ریٹائرڈ نذیر احمد کا۔ وہ آج نیب ہیڈ کوارٹرز میں انسداد بد عنوانی کے عالمی دن کی مناسبت اے تقریب سے خطاب کر عہے تھے۔ انھوں نے کہا نیب نے قومی خزانے میں 10 بلین امریکی ڈالر سے زیادہ کی بچت کے علاوہ2.3 ٹریلین روپے کی ریکوری کی ہے چیئرمین نیب، لیفٹیننٹ جنرل (ر) نذیر احمد نے کہا ہے کہ کوئی واحد ادارہ بدعنوانی کا خاتمہ نہیں کر سکتا اور تمام اسٹیک ہولڈرز کی مشترکہ کوششوں سے ہی اس لعنت کو شکست دی جا سکتی ہے۔  انہوں نے اس بات کا اعادہ کیا کہ قومی احتساب بیورو (نیب) اس بات کو یقینی بنائے گا کہ بدعنوانی میں ملوث ہر عنصر کو نتائج کا سامنا کرنا پڑے۔چیئرمین نیب نے کہا کہ معیشت کو ڈاکومنٹیشن یقینی طور پر ملک کے لیے مددگار ثابت ہوں گی اور بدعنوانی پر کافی حد تک قابو پانے کے لیے مددگار ثابت ہوگی۔  انہوں نے کہا کہ نیب بدعنوانی کے خلاف اقوام متحدہ کے کنونشن برائے انسداد بد عنوانی کے اہداف کو پورا کرنے کے لیے پر عزم ہے۔