پاکستان نے بیروت پر اسرائیلی فضائی حملوں کی سخت مذمت کی ہے۔

پاکستان نے لبنان پر اسرائیلی فضائی حملوں کی سخت مذمت کی ہے اور کہا ہے کہ یہ حملے بین الاقوامی قانون اور لبنان کی خودمختاری کی صریح خلاف ورزی ہیں۔ دفتر خارجہ کے مطابق، یہ حملے نومبر 2024 میں طے شدہ جنگ بندی کی بھی خلاف ورزی ہیں اور بے قابو طاقت کے استعمال سے شہری جانوں کو شدید خطرہ لاحق ہے جبکہ خطے کے امن و استحکام کو نقصان پہنچ رہا ہے۔ پاکستان لبنانی حکومت اور عوام کے ساتھ مکمل یکجہتی کا اظہار کرتا ہے اور اقوام متحدہ و ثالث فریقوں سے مطالبہ کرتا ہے کہ وہ اسرائیلی جارحیت کا فوری نوٹس لیتے ہوئے کشیدگی کم کرنے اور قابض افواج کو جوابدہ بنانے کے لیے فوری اقدامات کریں۔ گزشتہ رات اسرائیلی طیاروں نے بیروت سمیت دیگر علاقوں میں بمباری کی تھی جس سے کئی عمارتیں تباہ اور متعدد افراد زخمی ہوئے تھے۔