فافن کی الیکشن ٹربیونلز کی کارکردگی پر8ویں رپورٹ جاری،آدھی سے زیادہ پیٹیشنز زیر التواء

فری اینڈ فیئر الیکشن نیٹ ورک (فافن) کی جاری کردہ رپورٹ کے مطابق حالیہ عام انتخابات کے بعد دائر کی گئی انتخابی عذرداریوں میں سے نصف سے زائد اب بھی زیر التواء ہیں۔فافن کی انتخابی ٹربیونلز کی کارکردگی سے متعلق آٹھویں رپورٹ میں بتایا گیا ہے کہ 21 اپریل سے 31 جولائی کے دوران صرف 35 انتخابی عذرداریوں پر فیصلے سنائے گئے۔رپورٹ کے مطابق اب تک کل 374 میں سے صرف 171 انتخابی عذرداریوں کے فیصلے ہو چکے ہیں، جن میں سے 124 قومی اسمبلی اور 250 صوبائی اسمبلیوں سے متعلق ہیں۔یاد رہے کہ 8 فروری 2024 کے عام انتخابات کے بعد فارم 45 اور 47 میں بے ضابطگیوں اور مبینہ دھاندلی کے الزامات پر یہ 374 درخواستیں دائر کی گئی تھیں، جن میں سے اکثریت تاحال فیصلے کی منتظر ہے۔