ایران کی بحریہ کے کمانڈر ریئر ایڈمرل شہرام ایرانی نے 29 اپریل کو کہا کہ ایک نیا ہتھیار، جو دشمن کے دل میں گہرا خوف پیدا کرے گا، بہت جلد منظرِ عام پر لایا جائے گا۔ انہوں نے کہا کہ یہ ہتھیار دشمن کے بالکل قریب” نصب ہے اور طنزیہ انداز میں کہا، امید ہے انہیں دل کا دورہ نہ پڑ جائے۔
ٹیلی وژن پر خطاب کرتے ہوئے، ایرانی کمانڈر نے کہا کہ ایران بہت جلد اپنے مخالفین کو ایسی صلاحیت کا سامنا کروائے گا جو ان کے اثاثوں کے انتہائی قریب موجود ہے۔ انہوں نے اسے ایک ممکنہ “گیم چینجر” قرار دیا جو جنگی توازن بدل سکتا ہے، تاہم مزید تفصیلات ظاہر نہیں کیں۔
انہوں نے مزید کہا کہ یہ تصور کہ ایران پر حملے تیزی سے نتائج دے سکتے ہیں، اب فوجی اکیڈمیوں میں ایک مذاق بن چکا ہے۔
آبنائے ہرمز کے حوالے سے انہوں نے کہا کہ ایران نے بحیرۂ عرب سے شروع ہونے والے گزرگاہی راستوں پر پابندیاں عائد کر دی ہیں۔ انہوں نے خبردار کیا: “اگر وہ مزید قریب آئے تو ہم بغیر کسی ہچکچاہٹ کے حملہ کریں گے، اور زور دیا کہ اب آمدورفت ایرانی کنٹرول میں ہے۔
امریکا کی جانب سے ایرانی جہازوں کی ضبطی پر تبصرہ کرتے ہوئے انہوں نے ان اقدامات کو صومالی قزاقوں سے بھی بدتر قرار دیا اور کہا کہ ایسے اقدامات کا جواب ضرور دیا جائے گا۔
