فیصل آباد میں سوشل میڈیا پر ہونے والی دوستی محبت میں بدل گئی، جس کے بعد بیلاروس سے تعلق رکھنے والی ایک خاتون پاکستان پہنچ کر اسلام قبول کرنے کے بعد اپنے پاکستانی دوست سے شادی کے بندھن میں بندھ گئی۔
32 سالہ صغیر حسین کے مطابق تقریباً 10 ماہ قبل اُن کی سوشل میڈیا پر بیلاروس کی رہائشی اولگا سے شناسائی ہوئی، جو وقت گزرنے کے ساتھ محبت میں تبدیل ہوگئی۔ دونوں کے درمیان ذہنی ہم آہنگی بڑھنے پر انہوں نے شادی کا فیصلہ کیا۔
صغیر حسین کا کہنا تھا کہ اولگا شادی کیلئے اپنا وطن چھوڑ کر فیصل آباد پہنچیں، جہاں انہوں نے ایک مقامی مسجد میں اسلام قبول کیا۔ اسلام قبول کرنے کے بعد اولگا کا اسلامی نام “اولگا حسین” رکھا گیا۔
بعدازاں دونوں کی شادی کی باقاعدہ تقریب منعقد ہوئی جس میں اہل خانہ اور قریبی عزیزوں نے شرکت کی۔ شادی کے بعد جوڑے نے اپنی نئی زندگی کے آغاز پر خوشی کا اظہار کیا۔
