لاہور سمیت ملک بھر میں فضائی سفر کرنے والے مسافروں کیلئے اچھی خبر سامنے آئی ہے، جہاں ملکی اور غیرملکی ایئرلائنز نے اندرون ملک فضائی کرایوں میں 15 سے 20 ہزار روپے تک کمی کردی ہے۔
میڈیا رپورٹس کے مطابق مسافروں کی تعداد میں نمایاں کمی کے باعث اندرون اور بیرون ملک جانے اور آنے والی مجموعی طور پر 120 پروازیں منسوخ کردی گئی ہیں۔
ایئرپورٹ ذرائع کا کہنا ہے کہ شارجہ بحرین کویت سٹی، دوحہ، دبئی، استنبول اور فجیرہ جانے والی تقریباً 100 بین الاقوامی پروازیں متاثر ہوئیں۔
ذرائع کے مطابق اندرون ملک بھی کراچی اسلام آباد ملتان، پشاور، سیالکوٹ، کوئٹہ اور فیصل آباد کیلئے 20 پروازیں منسوخ کی گئی ہیں۔
اعداد و شمار کے مطابق کراچی سے 27، علامہ اقبال انٹرنیشنل ایئرپورٹ سے 18، اسلام آباد سے 21، ملتان سے 9، پشاور سے 13، سیالکوٹ سے 4 جبکہ فیصل آباد ایئرپورٹ سے 8 پروازیں منسوخ کی گئی ہیں۔
